ШУТИС-ийн Нийгэм, хүмүүнлэгийн сургуулийн захирал Я.Төгөлдөр “Жи энд Ди Девелопмент” ХХК-ийн “Мика Монгол” сургалтын төвийн захирал М.Дэлгэрмаатай хамтран ажиллах гэрээ байгуулж гарын үсэг зурлаа. Хамтран ажиллах гэрээний хүрээнд тус сургуулийн багш, ажилчид, оюутнуудыг Япон хэлний болон мэргэжлийн ур чадварын сургалтад бэлтгэх, Япон улсад оюутнуудыг дадлага хийлгүүлэх, багш, судлаачдын мэргэжил дээшлүүлэх, хоёр орны хооронд хүний нөөцийг солилцох, НХС-ийн төгсөгчдийг Япон улсад мэргэжлийн ажилд зуучлах чиглэлээр хамтран ажиллахаар тохирлоо.