Энэхүү хурал нь байгууллагын сэтгэл судлалын хөгжлийн өнөөгийн байдал, цаашдын чиг хандлага, энэ чиглэлээр хийгдэж буй судалгааны ажлын үр дүнг түгээхийн зэрэгцээ сэтгэл судлаачдын бүтээлийг танилцуулах зорилгоор 2 дах жилдээ зохион байгуулагдаж байгаа юм. Хуралд Зангиа Портал ХХК, HR Консалтинг фирм, Карьер хөгжлийн төв, Байгууллагын сэтгэл судлаачдын нийгэмлэг, МУИС, ШУТИС, Этүгэн их сургуулийн сэтгэл зүйн төв, Проектив сэтгэл судлал зэрэг байгууллагуудын төлөөлөл оролцож илтгэл хэлэлцүүлж, бүлэг, хамт олонтой ажиллах арга зүйг танилцуулав. Жил бүр уламжлал болгон зохион байгуулагдах тус хуралд илтгэл, бүтээлээ танилцуулж, IOP Mongolia сэтгүүлд өгүүллээ нийтлүүлдэг эрдэмтэн, судлаач, мэргэжилтнүүддээ гүн талархал илэрхийлж, ирэх жилийн эрдэм шинжилгээний хурлаар шинэ сонирхолтой судалгааны үр дүнгүүдээр дахин уулзахыг хүсье.