ШУТИС-ийн 60 жилийн ойн хүрээнд Монгол улсын их, дээд сургуулиудын дунд зохион байгуулж буй “Эрдмийн чуулган-2019”, “Эрдмийн шувуу” цомын төлөөх эдийн засаг, менежментийн салбар XVII бага хурлын мэдээ
 
Монгол улсын гавьяат багш, доктор (Ph.D), профессор Х.Пүрэвдагва, Залуу судлаачдыг дэмжих сангийн тэргүүн, ШУТИС-ийн хүндэт профессор Д.Жаргалсайхан нарын санаачилсан “Эрдмийн шувуу” цомын төлөөх ШУТИС-ийн 60 жил, Үндэсний менежментийн шавь сургуулийн 60 жилийн ойд зориулсан Оюутны эрдэм шинжилгээний XVII бага хурал 2 үе шаттайгаар зохион байгуулагдаж амжилттай өндөрлөлөө.

                                                    
Шалгаруулах комисс:
Комиссын дарга:                                Х.Пүрэвдагва, Монгол улсын гавьяат багш, доктор (Ph.D), профессор. ШУТИС-ийн БАТС-ийн профессор
Комиссын орлогч дарга:                    М.Оюунцэцэг, Залуу судлаачдыг дэмжих сангийн судлаач
Комиссын нарийн бичгийн дарга:     А.Аюуш, доктор (Ph.D). ШУТИС-ийн БуХС-ийн ахлах багш
Комиссын гишүүд:                             Л.Отгонцэцэг, доктор (Ph.D), профессор. ШУТИС-ийн БАТС-ийн профессор
Б.Сарантуяа, доктор (Ph.D), профессор. ШУТИС-ийн БАТС-ийн дэд профессор
Х.Булгаа, доктор (Ph.D). Эрдмийн шувуу – 2007 тэргүүн байрын шагналт, Нийслэлийн тээврийн газрын орлогч дарга
ШУТИС-ийн 60 жил, Үндэсний менежментийн шавь сургуулийн 60 жилд зориулсан Оюутны эрдэм шинжилгээний XVII бага хуралд нийт 5 их сургуулийн 74 илтгэгчийн 51 илтгэлийг II шатанд 10 илтгэлийг шалгаруулсан. II шатны шалгаруулалт 2019 оны 4 дүгээр сарын 17-ны өдөр ШУТИС-ийн БуХС-ийн 205 тоот танхимд зохион байгуулагдаж шилдгүүдээ тодруулсан болно.

“Эрдмийн шувуу” цомын төлөөх Оюутны эрдэм шинжилгээний XVII бага хурлын ерөнхий ивээн тэтгэгчээр оролцсон “Залуу судлаачдыг дэмжих сан”, “Бэхи цолтон” ТББ байгууллагуудад ШУТИС-ийн “Эрдмийн чуулган-2019” эрдэм шинжилгээний хурал зохион байгуулах комиссоос талархал олгосон болно. Оюутан залуусын сурч хөгжих, шинийг эрэлхийлэх үйлсийг байнга дэмжин, хамтран ажилладаг “Залуу судлаачдыг дэмжих сан” болон “Бэхи цолтон” ТББ - д талархал илэрхийлье.

Оюутны эрдэм шинжилгээний бага хурал зохион байгуулах ажлын хэсэг