Сүүлийн жилүүдэд боловсролын байгууллагуудын хүрээнд ёс зүйн зөрчил, гэмт хэргийн шинжтэй зөрчил, ажлын байрны дарамт зэрэг сөрөг үзэгдлүүд илэрч байгаа нь байгууллагын нэр хүнд, хамт олны уур амьсгалд сөргөөр нөлөөлж байна.
Иймээс НХС-ийн хүрээнд урьдчилан сэргийлэх чиглэлтэй сургалт, мэдээлэл, зөвлөгөөний ажлыг тогтмол зохион байгуулах шаардлагатай юм. Иймд 2025 оны 10-р сарын 28-ны өдөр НХС-ийн багш ажилчдын дунд гэмт хэргээс урьдчилан сэргийлэх сургалтыг зохион байгуулав. Тус сургалтыг “ГЭМТ ХЭРГЭЭС УРЬДЧИЛАН СЭРГИЙЛЭХ НЬ” нэртэйгээр ЦЕГ-ын Урьдчилан сэргийлэх газрын Гэмт хэрэг,  зөрчлөөс урьдчилан сэргийлэх Хэлтсийн Урьдчилан сэргийлэх, Дүн шинжилгээний тасгийн дарга, цагдаагийн хошууч Б.Бадамхатан явууллаа.