2022 оны 11 сарын 25-ны өдөр ШУТИС-ийн 8-р байранд Философийн улсын XIV олимпиад “ТЕХНОЛОГИЙН ЁС ЗҮЙ” сэдвийн хүрээнд амжилттай болж өндөрлөлөө.

Уг олимпиадад ШУТИС, МУИС, СЭЗИС, СУИС, МУБИС, ДХИС, Шихихутаг ИС, Их Засаг ИС, Отгонтэнгэр ИС, Олон Улсын Улаанбаатарын ИС, Тэнгэр ДС, Идэр ИС, Letu Mongolia ИС, Дарханы Технологийн сургууль, Ховд ИС-ийн философийн хичээл судалж байгаа 15 багийн 75 оюутан оролцож мэдлэг оюунаа сорилоо. Энэ удаагийн олимпиадын хүрээнд Францын элчин сайдын яам, Технологийн компаниудтай уулзалтыг зохион байгуулж “Технологи-Хүний эрх-Ёс зүй” сэдвээр хэлэлцүүлэг өрнүүлэн, техник технологийн хөгжлийн явцад хүний эрх, ёс зүйг хэрхэн дээдлэх, харилцан тэгш эрхтэй зохицон амьдрах, хувь өөрийн болон бусдын эрхийн талаар иргэдийг мэдлэг, мэдээлэлтэй болгох хэрэгцээ шаардлагыг талаар саналаа солилцон цаашид энэ чиглэлээр хамтын ажиллагааг эхлүүллээ.

Олимпиад нь 4 үе шаттайгаар эхний шатны шалгаруулалтаас хасагдах журмаар дараахь 5 төрлөөр явагдав. Үүнд:

• Сэдэвт зураг
• Медиа контент
• Философийн тест ажилбар
• Шийдлийн мэтгэлцээн
• Кино тайлбар

ШАГНАЛТ БАЙРУУДАД:

• I байр - МУИС-ийн Академи баг,
• II байр - ШУТИС-ийн MUST IDEA баг,
• III байр - Отгонтэнгэр ИС-ийн Клиник баг,
• Тусгай байр - СЭЗИС-ийн Тэнцвэр баг эзэллээ.
• Мэргэн санаа дэвшүүлэгчээр Отгонтэнгэр ИС-ийн оюутан Л. Жавхлант
• Шилдэг уран илтгэгчээр МУИС-ийн оюутан Д.Хүслэн тус шалгарав.

Үндсэн зохион байгуулагч байгууллага:

• ШУТИС БуХС-ийн Хүмүүнлэгийн Ухааны Салбар

Хамтран зохион байгуулагч байгууллага: 

• Монголын Эмнести Интернэшнл байгууллага
• МУИС-ийн Философи, Шашин судлалын тэнхим

Дэмжигч байгууллага:

• Монгол дахь Францын элчин сайдын яам
• ШУА Философийн хүрээлэн
• Lend.mn ХХК.
• Infinity Solution LLC.

Байгууллагын нэрэмжит шагналыг Lendmn ХХК-иас Ш.Даникер (БуХС Маркетингийн менежер II курс)-т олгож 3 сар цалинтай дадлага хийх эрх, үнэ бүхий зүйлээр шагнав. Олимпиадад амжилттай оролцсон ШУТИС-ийн оюутнууддаа сурлагын өндөр амжилт хүсэж, олимпиадыг хамтран зохион байгуулагч болон дэмжигч байгууллага, багш оюутнуудаа талархал илэрхийлье.

ШУТИС БуХС-ийн Хүмүүнлэгийн Ухааны Салбар